طلباتى من البرادعى ...
07:53 ص | 
كتبها لكم :
مهيج الجماهير
أكيد كل واحد فينا نفسه يغير بلده للأحسن ... و أكيد كل واحد فينا عنده أفكار هو شايف انها ممكن تخلى بلده أحسن .. بس هو منصبه مش بيؤهله لتنفيذ الأفكار دى .
كام واحد فينا عنده أفكار شايفها مناسبة لتغيير الواقع ؟؟
كام واحد فينا نفسه لما ميعرفش يجيب حقه يتصل برئيس الجمهورية نفسه ؟؟
بذمتكوا مين فينا مقالش لنفسه مرة (( دا انا لو بقيت رئيس جمهورية ....... )) .
انا شايف ان طالما الأمل فى دكتور البرادعى لتغيير واقعنا ... يبقى لازم كلنا نشارك دكتور البرادعى فى التغيير ده ... و لازم دكتور البرادعى يبصلنا و يسمع مننا
باختصار انا فكرتى ان كل واحد يتخيل ان دكتور البرادعى نجح فى الانتخابات .. و انه قابله .. هيطلب منه ايه ؟؟؟
ياريت كل واحد يكتب على مدونته هو يطلب ايه من البرادعى ... و يمكن فى يوم البرادعى أو غيره يشوف الطلبات دى
و آدى طلباتى كبداية :
1- ان يكون في اتصال مباشر من البرادعى للشعب .. ان شالله عن طريق التليفون و ان شالله ساعة واحدة كل يوم
2- ضمان حرية التعبير سواء للصحافة أو التليفزيون أو المدونات
3- الافراج عن المعتقلين فى قضايا الرأي
4- يعمل خط ساخن يبقى مسئول فقط عن تلقى اقتراحات الشعب لتحسين بلدهم .. و يبقى فى ناس من اختصاصها دراسة الاقتراحات دى
و اذا كنا هنتغير ... يبقى لازم كلنا نساهم فى التغيير ده بأفكارنا و اقتراحاتنا
و ياريت كل واحد فيكوا يكتب هو بيطلب ايه من الدكتور البرادعى على مدونته ... و يمكن لو ناس كتير اشتركت معانا ...صوتنا يوصل للبرادعى .
الاشتراك في:
تعليقات الرسالة (Atom)
بسسسسسسسسسسست
انا ميييييين ؟؟
- مهيج الجماهير
- أقرع ... و صغير ... و بنضارة... فى كلية تجارة جامعة مفتوحة ... بحب التهييس قوى (( ممكن تقول انى لاسع )) ... بعزف موسيقى ... و بكتب ... و بقعد نت ... و بقرا ... فاضل انى امشى على الحيطة و ابقى بكدة ... رجل المستحيل
اقتراحات
ابحث فى المدونة
أنا فى CNN يا مينز
Translate My blog
فيس بوك بقى و حركات
Views
و وصلنا العالمية
شايفك
5 ♥♥ اكتب تعليقك ... بس متنساش تشكر فيا و كدة ♥♥:
بيتهيألى طلباتك حلم صعب إنه يتحقق
مش عايزة أكون متشئمة .. بس بصراحة إحنا بندن فى مالطة
ام بوبة
♥♥♥♥♥♥♥
اهو يبقى اسمنا حلمنا و حاولنا نحقق حلمنا
عشان على الأقل بينى و بين نفسي مكونش حاسس انى قصرت
تحياتى
انا اول مرة ازورك وان شاء الله مش اخر مرة انا معاك بس انا واقعي برده احنا لازم نتغير يامهيج والتغيير جىجى ان شاء الله انا متفائل بالخطوة دي
لو من عشر سنين كنت تتخيل ان مصر ممكن يبقي فيها كلام معارضة او مظاهرة او اعتصام او اضراب بس دة حصل في 5 سنين بس احنا مستعجليين شوية والتغيير مش عاوز بين يوم وليلة ربنا خلق الكون في6 ايام مع انه قادر سبحانه ان يخلفه في لمح البصر اواقل ولكن عشان يعلمنا ان كل حاجة بوقتها والتاريخ بيعلمنا ان التغيير في حياة الامم بياخد وقت بس لازم نشتغل عشان الوقت يقصر وربنا معانامعلش طولت عليك
وتقبل مرورى ونورنى في مدونتي
Haytham Alsayes
♥♥♥♥♥♥♥♥♥♥♥♥♥♥♥
طبعاً نورتنى و تنورنى فى أى وقت .. بس الحكاية مش حكاية مستعجلين
الحكاية اننا جبنا آخرنا خلاص
فيصنا
ههههههههههههه
تحياتى
أول طلب للدكتور البرادعى هو وقف تصدير الغاز لأسرائيل
قال السفير المصرى السابق المحامي إبراهيم يسرى أن القاهرة تخسر من جراء هذه الصفقة مع تل أبيب حوالي 13.5 مليون دولار في اليوم الواحد ولهذا لا يمكن تبرير هذه الخسارة لا بوجود معاهدة سلام مع إسرائيل ولا بحقوق السيادة ولا بأي شيء آخر
و أضاف يسرى " لا علاقة بين اتفاقية السلام وصفقة تصدير الغاز المصري لإسرائيل ، ولهذا نحن طالبنا بإلغاء الصفقة لكونها مجحفة بحق مصر وتمثل اهداراً للثروة المصرية خاصة وإننا دولة نامية تحتاج الكثير من الأموال للإصلاح الإقتصادي ولذا لا يجوز أن ندعم إسرائيل بهذا الشكل خاصة ونحن لسنا دولة غنية لكي نبذر أموالنا يميناً وشمالاً".
ونفى ما تدعيه الحكومة المصرية من أن إسرائيل حصلت على هذا العقد من خلال مناقصة دولية مثلها مثل الدول الأخرى ، مؤكدا أن هذا غير صحيح وإن صح ذلك لكان سعر الغاز المصري المصدر لإسرائيل 16 دولاراً الآن.
وتابع " نريد كما فعل رئيس الوزراء الروسي بوتين أن يكون تسعير الغاز حسب سعر السوق العالمية في حين أن اتفاقية الغاز "المصرية- الإسرائيلية" التي يمتد مفعولها لعشرين عاماً يمنع فيها تغيير السعر طيلة هذه المدة وهذا السعر يبدو الآن مضحكاً لأنه مثبت بدولار وربع الدولار في حين أن السعر العالمي الآن يتراوح بين 12 -16 دولاراً لوحدة القياس"
إرسال تعليق
من حقك تقول رأيك .... و من حقى أحبسك