(( بيان تجار المخدرات الى الأمة ))
12:27 ص | 
كتبها لكم :
مهيج الجماهير
بيان تجار المخدرات الى الأمة
بعد أن أثبتت الدراسات التى قام بها علماؤنا .. أن المخدرات لها علاقة وطيدة بالحالة السياسية و الاقتصادية بالدولة ( زيها زي رغيف العيش بالظبط ) ... حيث أنها :
1- تساعد الشاب العاطل على التأقلم مع واقع انه بقى عنده 28 سنة و لسة مشتغلش ولا اتجوز ولا ربنا تاب عليه من قعدة القهوة .
2- تساعد الموظف الغلبان على تقبل ان كيلو اللحمة بأربعين جنيه ( و ستين فى بعض المناطق ) .. و هو ما يمثل نصف مرتبه .
3- تساعد المواطن على الاستماع ( و أحياناً تصديق ) تصريحات بعض المسئولين .. ( هذه التصريحات تتطلب لجرعة زيادة حبتين )
4- لولا المخدرات لاجتمعت جميع فئات الشعب من عمال و فلاحين و مسلمين و أقباط على ظاهرة الانتحار الجماعى .
5- المخدرات تساعد المواطن المصري ( محدود الدخل ) على الاقتناع بأن محدودى الدخل لهم الأولوية الاقتصادية فى الدولة .
6- المخدرات تساعد المواطن المصري على الاقتناع بأن ( محدش بينام من غير عشا ) .. رغم ان هو نفسه بيبقى نايم من غير عشان .
7- تساعد بعض الشباب على اتخاذ قرار السفر للعمل فى الخارج ( ان شالله ياخدها عوم فى وسط سمك القرش ) .
8- هى وسيلة فعالة لعلاج حالات ( وجع القفا ) التى يعانى منها الكثير من أبناء هذا الشعب .. و الظاهرة التى لا نجد لها سبباً حتى الآن .
9- تساعد طالب الثانوية العامة على التأقلم مع المناهج المقررة و الخطط الدراسية المتبعة .. و امتحانات الفيزيا و الكيميا و الأحياء .
10 - تساعد ولى الأمر على تقبل واقع انه بيدف لأبنه كل شهر ( دروس بس ) أكتر من مرتبه نفسه و أكتر ما بيصرف على الأكل و الشرب .
11- لها دور رئيسي فى تقبل ولى الأمر و الطالب نتيجة الثانوية العامة و تجاهل حقيقة ان اللى اتعلم زي اللى متعلمش .
12- تساعد البعض على تقبل مشاهدة كليبات نانسي و هيفاء و ماريا و مروى .. مع العلم انه ممكن يكون عنده 30 سنة و لسمة ممسكش ايد واحدة .
و بناءاً عليه قررنا الآتى :
1- انشاء حزب يهتم بشئون المخدرات .. و يدافع عن حقوق تجار المخدرات المهدورة .
2- مطالبة الحكومة بادراج ( الحشيش ) بصفته المخدر المفضل لدى أبناء الشعب فى قائمة الدعم ( و ياريت لو يبقى مع التموين ) .
3- فتح فرص عمل جديدة للشباب فى مجال المخدرات ( نقبل جميع المؤهلات ) .
مع تحيات المندوب الاعلامى للحزب : زكى القرش
الاشتراك في:
تعليقات الرسالة (Atom)
بسسسسسسسسسسست
انا ميييييين ؟؟
- مهيج الجماهير
- أقرع ... و صغير ... و بنضارة... فى كلية تجارة جامعة مفتوحة ... بحب التهييس قوى (( ممكن تقول انى لاسع )) ... بعزف موسيقى ... و بكتب ... و بقعد نت ... و بقرا ... فاضل انى امشى على الحيطة و ابقى بكدة ... رجل المستحيل
اقتراحات
ابحث فى المدونة
أنا فى CNN يا مينز
Translate My blog
فيس بوك بقى و حركات
Views
و وصلنا العالمية
شايفك
9 ♥♥ اكتب تعليقك ... بس متنساش تشكر فيا و كدة ♥♥:
هههههههههههههههههههه جااااامد
معايا دبلون تجاره ينفع ياعم زكى قدرة
ولا ايه
ياصبااااااااااااااااااح
الخير يامعلم
كع كع كع كع كع
ونقدر نقول انها حكومة المحششين المتحدين
هههههههههههههههههه
تقبل مرورى يامعلم
ميدو
****
دى اقل حاجة عندى يا باشا
هههههههههههههههههه
كيكى
****
ايه يا بنتى الكحة دى ؟؟
انتى اكيد بتضربي من برة
ههههههههههههههههههه
نورتى
Haytham Alsayes
****************
انتوا تقولوا زى ما انتوا عاوزين
انا مقدرش اقول
انا عايز اربي عيالى اللى لسة مجبتهومش
ههههههههههه
تحياتى
( يسعدنى انى الاقى مدونين من دمنهور و مشاركين بجد )
زي الفل والله هوه ده الي انا بقكر فيه من زمان بجد
الله يرحم انور الساداات
انت عارف ان البيان ده اتكتب علي صفحه cnn بالعربيه ده بجد
مبروك يااستاذ مهيج وعقبال ال bbc
غير معرف
*********
آسف على تأخر الرد
نورت يا باشا
و انا شوفت صفحة السي ان ان
و الحمد لله ان الواحد صوته بدأ يطلع للنور
شرفت المدونة
تحياتى
إرسال تعليق
من حقك تقول رأيك .... و من حقى أحبسك