(( و رقصنى يا جدع )): يعنى ايه توريث ؟؟

يعنى ايه توريث ؟؟

12:49 ص |

كتبها لكم : مهيج الجماهير

يعنى ايه توريث ؟؟
*****************
يعنى أبوك يوعدك لو بقيت شاطر و عملت بيبي فى الأصرية .. يجيبلك هدية كبييييييييييييرة ...

و تطلع مساحة الهدية دى 1.002.000 كم مربع ... و تعداد سكانها 85 مليون .
*****************

يعنى ايه توريث ؟؟
*****************
يعنى انك يكونلك دور قوى و مؤثر جداً فى التطبيق العملى للمعادلة :
الشعب مش عاوز جيمى + جيمى يبقى الريس = جيمى راجل على الشعب
*****************

يعنى ايه توريث ؟؟
*****************
يعنى تفضل 29 سنة بتحلم ان الهم ينزاح من على قلبك ...

و أولادك يقعدوا يحلموا 29 سنة ان ابن الهم ينزاح من على قلبهم ...

و أحفادك يقعدوا يحلموا 29 سنة ان حفيد الهم ينزاح من على قلبهم ..

و أحفاد أحفادك يـ ..........
*****************

يعنى ايه توريث ؟؟
*****************
يعنى السادة الأمراء و ملوك العرب يهنئون الرئيس : عباس بن جيمى ...

على نجاح عمليتي " الشرخ الشرجى " و " البواسير " بألمانيا

و الرئيس يقضى فترة نقاهة فى شرم الشيخ لحين استقرار حالة مؤخرة سيادته الكريمة .
*****************

يعنى ايه توريث ؟؟
*****************
يعنى أمين المخازن فى شركتك يسرقك .. و لما يموت تشغل ابنه مكانه .. و انت متوقع ان ابنه يقولك :

" انا أبويا سرقك آه .. بس الله يرحمه ربانى انى مادخلش بطنى لقمة حرام "

يعنى ايه توريث ؟؟
*****************
يعنى أول ما الريس الجديد يمسك ... تلاقى أخوه بيطالب بحقه من الميراث
و انت طبعاً ساكت ... قال يعنى متعرفش ان " الميراث " ده يبقى انت
( جاتك نيلة )
*****************

يعنى ايه توريث ؟؟
*****************
يعنى يا صباح الصفحات الجديدة اللى هتتفتح ..
بس هتتفتح فى بنوك سويسرا ..
و انت قاعد تتفرج على ماتش المنتخب ..
*****************

يعنى ايه توريث ؟؟
*****************
يعنى الجيش الاسرائيلى يهدم المسجد الأقصي
و الرئيس : هيثم بن عباس بن جيمى يوجه خطاب " شديد اللهجة " للسفير الاسرائيلى .
*****************

و هى دى الحياة ( و غالباً أسوأ من كدة ) لو مبقتش راجل و عملت زى الرجالة و أخدت أى موقف .....

4 ♥♥ اكتب تعليقك ... بس متنساش تشكر فيا و كدة ♥♥:

Bassant Elsawy يقول...: اكيد حلو يعني و ده الطبيعي :); 02 سبتمبر, 2010 03:28 ص
mrmr يقول...: ههههههههه
هو ده المذاق الطبيعى للحاجه الساعقه
ههههههه; 02 سبتمبر, 2010 06:01 ص
غير معرف يقول...: مصــــر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.

2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .

3- مشكلة تعمير مصر والتى يعيش سكانها على 4% من مساحتها.

4 - العدالة الاجتماعية .. وأطفال الشوارع والذين يملكون كل شىء .

5 - ضرورة الاتحاد مع السودان لتوفير الغذاء وحماية الأمن القومى المصرى.

6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

أرجو من كل من يقراء هذا أن يزور مقالات ثقافة الهزيمة بالرابط التالى www.ouregypt.us; 12 سبتمبر, 2010 07:00 ص
أع ـقل مـ ج ـنـونــة يقول...: للاسف

هي دي مصر ياعبلة !

وهو دا التوريث يا عنتر <_<

تحياتي ^_^; 16 سبتمبر, 2010 03:10 م