11:22 ص | 
كتبها لكم :
مهيج الجماهير
" أبيض "
*****
لما الغسيل عالحبل أبيض
و أما لون البوكسر أبيض
و أما عدى تحت بيتنا
وقع عليه الشورت الابيض
بصة منه فى بلكونتنا
شافنى واقف لابس أبيض
رايحة بيها ايدى لـ بقى
سيجارة كان دخانها أبيض
رامى عينى فى بلكونتها
و نفسي أنط فى سورها الابيض
من اوضتها نفسى تطلع
نفسي يبقى نهارنا أبيض
عالفطار جبنة و بيض
و العيش .. غريبة .. لونه أبيض
صوت خناقة تحت بيتنا
و السلاح الـ طالع ... أبيض
بيضة حمرا جنب بيضة
بس لون قشرتها أبيض
هى بيضا و انت بيضة
و اللى يفهم ليلته بيضا
زى نور الشمس الابيض
دى قصيدة و مش قصيدة
تهييسة هبلة لشاب فاضى
كان فى يوم بيحب الابيض
مكانتش يوم حياته بيضا
هو بصراحة ماجتهدش
عشان يخلى لونها أبيض
اتقال له " حمرا " لما فكر
هايشوف فى يوم الفجر الأبيض
بس أصله كان منفض
كان بيهرب من حقيقة
ان ايده تخلى عمله
يجيله يوم و يبقى أبيض
بس حزنه مالى قلبه
ع اللى كانوا المفروض حبايبه
و استغلوا قلبه الأبيض
بس ناوى يفكه منهم
و يا تبقى بيضا ... يا تبقى بيضة
بس هو يقوم بدوره
قبل شعره ما يصبح أبيض
بص تانى لبكونتها
شافها طايرة بفستانها الابيض
كان هايزعل .. لولا فرحة
بينتله صف سنانها الأبيض
الشمس نورها لونه أبيض
و الفجر نوره يشق ضلمة
يخلي يومنا لونه أبيض
فستان عروسة .. لونه أبيض
ضحكة بيضا .. حياة سعيدة
لما يومنا يبقى حلو ... نقوله .. أبيض
شخص بيننا قلبه طيب
نقول عليه دا قلبه .. أبيض
و اللى صادق مش بيكدب
نقول عليه .. دا وشه أبيض
يبقى ليه يتقال له : " حمرا " ... و هى أصلاً لونها أبيض ( مش قوى يعنى ) ؟؟
مع الاعتذار للشعر و الشعراء
الاشتراك في:
تعليقات الرسالة (Atom)
بسسسسسسسسسسست
انا ميييييين ؟؟
- مهيج الجماهير
- أقرع ... و صغير ... و بنضارة... فى كلية تجارة جامعة مفتوحة ... بحب التهييس قوى (( ممكن تقول انى لاسع )) ... بعزف موسيقى ... و بكتب ... و بقعد نت ... و بقرا ... فاضل انى امشى على الحيطة و ابقى بكدة ... رجل المستحيل
اقتراحات
ابحث فى المدونة
أنا فى CNN يا مينز
Translate My blog
فيس بوك بقى و حركات
Views
و وصلنا العالمية
شايفك
11 ♥♥ اكتب تعليقك ... بس متنساش تشكر فيا و كدة ♥♥:
نهــارك وليلك ابيض .. ابيض
وصباحك ومساك ابيض .. ابيض
ذى قلبك وكلامك ابيض .. ابيض
ذى الفل بوست ابيض .. ابيض
تحياتى ليك ابيض
اصلى انا احب الابيض
بالرغم الحزن لكنه ابيض
استــاذ ^_^
بجد موهوب جدا
ماشاء الله ..
ما أحلي " الابيض " ..!!
تحياتي ^_^
فشيييييييييخة يا خالد وربنا
فشيخة بجد بجد يعني مش هزار
ههههه جامدة جدا
دانتا تنافس ميدو زهير بقا
يومك ابيض ان شاء الله:)
ثقافة الهزيمة.. أسكندرية ...ليه؟
متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.
ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.
محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.
هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..
باقى المقال ضمن مقالات ثقافة الهزيمة بالرابط التالى www.ouregypt.us
ههههههههههههههههههههههههههههههههه
ابيض ابيض بدل حمرا حمرا
والله شربات بجد
اوعى تكون كنت زملكاوى ومنكتر البياض انتفخت فاقولت تفضفض عن روحك هههههههه
تسلم يا حبيب الجماهير واشكرك على المساعده ويارب فى تواصل بنا على طول
نهارك ابيض زى وشك الابيض
يابنى ده حتى فانلة الزمالك ابيض
الحزب الوطنة نصبوا السيرك على ارض لونها ابيض
وانا من الاخر دماغى """ ابيض """
هو ليه الفراعنة بنوا الهرم
والله انت شربات يا خالد
الحج ريتشارد حكالى على وانتم بتركبو الاتوبيس وبتقولهم قولو جبنه ههههههههههههههههه
مشكله انت
جميل كلامك جدا وتعبيراتك جامده الصراحه
مدونة حقيقي تحفه
اول زيارة ليا بس اكيد مش هتكون الاخيره
اسماء احمد
إرسال تعليق
من حقك تقول رأيك .... و من حقى أحبسك