كمل انت القصة .. و خلى عندك صوت
05:49 م | 
كتبها لكم :
مهيج الجماهير
" يا عم مش هايدور .. هو دا اوتوبيس ينفع نطلع بيه مشوار طويل زى ده ؟ "
قالها أحد ركاب الاوتوبيس المعطل فى قلب الصحراء شاكياً لاحد الجالسين بجانبه .. فما كان من الآخر الا أن اعتدل فى مجلسه و كأنه كان ينتظر من يبدأ معه بالكلام .. فرد قائلاً :
" شركة زبالة و اوتوبيسات زبالة .. يا عم دا الشركات التانية لما اوتوبيس فيهم بيعطل – دا لو عطل اصلاً – بيبعتوا دعم فوراً .. دا احنا شركتنا دى ............................ "
اخذ الاثنان يسبون و يلعنون القدر الذى أوقعهم فى هذه الشركة اللعينة باوتوبيساتها الكهنة القديمة التى لا تصلح للاستخدام الآدمى .. متناسيين أنهم لولا وجودهم فى أحد هذه الاتوبيسات الآن .. لكانت الآن ضربات الشمس الحارقة تنهال على رئوسهم كما تنهال عصيان الأمن المركزى على رؤوس المتظاهرين بعد سماعهم كلمة " اضرب " ...
" شد حيلك يا اسطى .. انا ورايا مصالح لو اتعطلت .. هاحمل مسئوليتها للشركة "
كان هذا أحد الركاب الذى دفعه القلق الى النزول لحث السائق على الاسراع فى تصليح العطل الذى أصاب الاتوبيس .. و الذى انتهى الآن لتوه من آخر محاولاته التى بائت جميعها بالفشل .. و قد علم أنه لم يتبقى الا محاولة واحدة قد تنجح .. و لكنه لا يستطيع فعلها بمفرده .
" ايدك معايا يا باشا نزق الاتوبيس يمكن يدور "
قالها السائق موجهاً حديثه الى أحد الشباب الذى تغلب عليه مظاهر الصحة .. و الذى كان يجلس قرب الاتوبيس يستمع الى الأغانى من تليفونه المحمول .. و قد رد على السائق بقوله :
" انت مفكر ان أنا و انت بس هانقدر نزق الاتوبيس ؟ .. احنا محتاجين كل الركاب تنزل تزق معانا .. و بعدين هو أنا أزق و غيرى قاعد فى مكانه ليه ؟؟ .. لما كلهم ينزلوا يزقوا .. ابقى أنا أزق "
*******************
لحظة واحدة
*******************
بصفتى كاتب القصة .. فأنا ليا مطلق الحرية انى أخلى السواق يحاول يقنع الركاب واحد واحد انهم يساعدوه فى زق الاتوبيس و محدش فيهم يعبره .. و كل واحد يقول مبرراته .. اللى بيحاول يقنع بيها نفسه عشان مايقومش بالدور المطلوب منه .. و ساعتها ممكن كلهم يموتوا فى الصحرا .
و بصفتى كاتب القصة برضه .. فأنا ليا مطلق الحرية انى أخلي كل الركاب يقوموا مرة واحدة و يساعدوا السواق من غير حجج فارغة ولا لوم على الشركة أو الاتوبيسات .. و ساعتها الأتوبيس هايمشي و الناس هاتوصل المكان اللى هم عاوزينه .. و ساعتها يقدروا يشوفوا مين اللى غلطان و يحاسبوه .
أما بصفتى كاتب القصة ... فأنا أقدر أخلى السما تمطر عليهم مية نار و ساعتها هايتحرقوا كلهم و تخلص القصة على كدة .. أو أخلى ملايكة تنزل من السما و تنقذهم من المصير اللى مستنيهم .
يعنى بصفتى كاتب القصة .. أقدر أعمل فيهم اللى أنا عاوزه .. فى الوقت اللى أنا عاوزه .. بالطريقة اللى أنا عاوزها .. و محدش فيهم يقدر يحاسبنى .
دى كانت قصتى .. و ليا مطلق الحرية أعمل فيها اللى أنا عاوزه .. بس أنا مش جاى أكلمك عن قصتى .. أنا جاى أكلمك عن قصتنا .. اللى ممكن تتشابه مع قصتى فى حاجات كتير .. بس تختلف معاها فى حاجة واحدة .. هى ان قصتى ليها مؤلف واحد بس اللى هو انا .. و قصتنا من تأليفنا كلنا .. و كل واحد فينا بيكتب فيها السطر اللى يخصه .. و اللى طبعاً حتى لو القصة كلها اتكتبت و مش فاضل غير السطر دا بس .. أكيد اكيد القصة برضه هاتبقى ناقصة ..
أعتقد ان أنا رسالتى وصلت و ان انت بعد الكلام دا كله فهمت أنا عاوز أوصلك ايه .. و لو انت فهمت اللى أنا عاوز أقوله .. فالسؤال البديهى اللى المفروض دلوقت تطرحه على نفسك هو :
فين القلم اللى هاكتب بيه السطر بتاعى ؟؟
بسسسسسسسسسسست
انا ميييييين ؟؟
- مهيج الجماهير
- أقرع ... و صغير ... و بنضارة... فى كلية تجارة جامعة مفتوحة ... بحب التهييس قوى (( ممكن تقول انى لاسع )) ... بعزف موسيقى ... و بكتب ... و بقعد نت ... و بقرا ... فاضل انى امشى على الحيطة و ابقى بكدة ... رجل المستحيل
اقتراحات
ابحث فى المدونة
أنا فى CNN يا مينز
Translate My blog
فيس بوك بقى و حركات
Views
و وصلنا العالمية
شايفك
9 ♥♥ اكتب تعليقك ... بس متنساش تشكر فيا و كدة ♥♥:
تشبيه واقعى جدا !
:) Chapeau
بس طول ما فيه ..
الـ مابيعرفوش يقروا ولا يكتبوا
والـ مش شايفين ف نفسهم المهارة الـ تساعدهم يكتبوا السطر ده
والـ مش مهتمين اصلا القصة تكمل ولا ماتكملش وكل همهم يروحوا على قصة تانية
او كل همهم اهتماماتهم الـ واصلين ليها من غير تعب
و الـ بيكتبوا اسوأ سطور ف القصة
عمر القصة ما هاتبقى مثالية !!
جميييييله يا خالد برافو
هههههههههههه عجبتنى لحظه وحده وازى فكرتنا انها اشخاص انت اللى بتحركها
علشان نفتكر اانا كمان اشخاص بس مافيش اللى يحركنا واحنا بس اللى نقدر نقرر
اتمنى كلامك يوصل لاكبر عدد من الناس
مش بس يقرو لاء ويفهمو مضمونه
تحياتى
السلام عليكم
عجبنى البوست
و با انى القارئة لتلك القصة، فلى الحرية فى تخيل نهايتها
:)
و انا متخيلة ان الاتوبيس حيمشي لوحده من غير زق
ولا حد حيتعب
ولا حد حيقول زق انت الأول
ولا حد يسب و يلعن
الاتوبيس حيمشي وحده خاااااااااااااااالص
حتى من غير سواق
انا اولا بكتب على الكيبورد مش معايا قلم
وبعدين هو انت منزلنا قصه تزلنا بيها ولا ايه
انا اللى كاتب القصه وممكن اعمل مش عارف ايه
ما تكملها ولخص بقى الله
المهم يا سيدى توقعى
انهم هيفضلو فى الصحرا لوقت متاخر جدا والاتوبيس مش هيدور غير بعد عذاب
وبعد ما يكونو اتاخر عن شغلهم وعدا ميعاد وصولهم لبيوتهم والقلق ذاد والتوتر على اهاليهم ويكونو سالو عليهم فى الشركه وطبعا لا حس ور خبر واضطرو انهم يبلغو البوليس لاختفائهم وعدم اظهار احدا من ركاب الاتوبيس
وبعد تعب وزلف يطول يتم الوصول اليهم
وبعد ذالك عمل محاضر ضد الشركه لانه بكل بساطه السائق ليس له ذنب طبعا
وتقوم الشركه بتغير الاتوبيسات لانها اصبحت خارج نطاق الخدمه
بس كمل انت بقى واقولى اصلى انا هفضل ارغى ارغى وانا بحب القصص اوى وبحب اسرح بخيالى بس خايفه على قرائك ليفقدو الادمغه المتوازنه
قصه بجد جميله يا خالد وبجد من واقع الحياه
كل شركه بتقوم بالتوفير لاجل نهب الامول فى عبها
تسلم يا خلود
انا من حقى اتخيل وارسم القصه برضه على مزاجى اشمعنى انت بقى ههههههه
الشاب الحليوه اللى معاه الموبيل بيسمع فيه اغانى بيتصل ذى الشطوووور بالشركه وهى اللى تتصرف وتبعتلهم اتوبيس غيره ينقلوا الركاب
وكده انتهت قصتنا من غير وجع قلب
بس فكره القصه يا خالد جميله وتخلينا للنهايه بتختلف من شخص لاخر
وبكده تقدر تلم بقدر اكبر من النهايات ممكن تكون سعيده او حزينه ومؤلمه
تسلم يا خالد وتعيششششش
ناولنى فرشة هرسم ..........
انا قولت وطن
مصر فى مهب الريح
فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
لمزيد من التفاصيل أذهب إلى مقالات ثقافة الهزيمة بالرابط التالى
www.ouregypt.us
انا لفيت مدونتك
انت برنس :D
جميل جدا و تشبيه بليغ
اول زيارة لي للمدونه و اكيد لن تكون الاخيره
ونتمنى تواجدك معنا في تجمعنا الجديد مدونات من اجل التغيير
إرسال تعليق
من حقك تقول رأيك .... و من حقى أحبسك